"Барселона" ПСЖ билан ўйинни қайси стадионда ўтказиши маълум
19 сен 22:14
Янгиликлар

"Барселона" ПСЖ билан ўйинни қайси стадионда ўтказиши маълум

Теглар : ПСЖ Барселона Ла Лига Олимпик Льюис Компанис

Чемпионлар Лигасининг 2-туридан ўрин олган "Барселона" – ПСЖ учрашуви "Олимпик Льюис Компанис" стадионида бўлиб ўтади.

Бу ҳақда Каталония клуби матбуот хизмати маълум қилди.

"Клуб яқин ойларда "Спотифай Камп Ноу"ни очиш учун зарур маъмурий рухсатномаларни олиш учун фаол ишлашда давом этмоқда", – дейилади клуб баёнотида.

2023/24 ва 2024/25 йилги мавсумларда "Камп Ноу"ни таъмирлаш вақтида "Барселона" ўз уй учрашувларини тахминан 52 000 томошабинга мўлжалланган "Олимпик Льюис Компанис" стадионида ўтказди. Каталонияликлар жорий мавсумдаги битта уй учрашувини 6000 томошабинга мўлжалланган "Йохан Кройф Арена"да олиб борди.

"Барселона" – ПСЖ учрашуви 1 октябрь куни бўлиб ўтади. Чемпионлар Лигасининг 1-турида каталонияликлар "Ньюкасл"ни меҳмонда 2:1 ҳисобида мағлуб этди. ПСЖ турнир бошида "Аталанта"ни 4:0 ҳисобида ютди.

Ҳавола :

Манба : fcbarcelona.com

Янгиликларни Телеграмда ўқинг!

Рейтинг: