"Барселона" Мессининг хайрлашув учрашувини қачон ўтказиши маълум
23 ноя 2023 15:35
Янгиликлар

"Барселона" Мессининг хайрлашув учрашувини қачон ўтказиши маълум

"Барселона" собиқ ҳужумчиси Лионель Мессининг хайрлашув учрашуви кейинги йил таъмирдан чиққан "Камп Ноу"да бўлиши мумкин.

Маълумотларга қараганда, Каталония клуби ушбу баҳсни 2024 йилнинг 29 ноябрь санасига режалаштирмоқда. Бунга яна бир сабаб клубнинг 125 йиллик юбилейи бўлади.
Хабарда айтилишича, агар барчаси режа бўйича кетса, Месси "Барселона" афсоналари сафида дунё футболи афсоналарига қарши ҳаракат қилади. Бу ўйинга Серхио Рамос, Зинедин Зидан, Дэвид Бекхэм, Гарет Бэйл, Златан Ибрагимович ва Диего Симеоне таклиф олиб улгурган. Агар имкон топа олса, Криштиану Роналдунинг келиши ҳам кутилмоқда. Бундан ташқари ушбу ўйинда Жон Терри, Фрэнк Лэмпард, Стивен Жеррард ва Фернандо Торрес ҳам бўлиши мумкин.
Шоу ўйин учун чипта нархи 250 евродан бошланиши тахмин қилинмоқда.

Ҳавола :

Манба : footballtransfers.com

Янгиликларни Телеграмда ўқинг!

Рейтинг: +16