«Барселона» Мессининг сариқ карточкасига апелляция беради
08 ноя 2016 10:45
Янгиликлар

«Барселона» Мессининг сариқ карточкасига апелляция беради

«Барселона» раҳбарияти Испания чемпионатининг 11-турида Лионель Мессига кўрсатилган сариқ карточкани бекор қилиш бўйича ариза топширди.

Учрашув бош ҳаками Сантьяго Хайме Латре 29 ёшли футболчига вақтни чўзгани учун сариқ карточка кўрсатди.

83-дақиқада Месси қўполлик билан тўхтатилганида унинг оёқ кийими ечилиб кетди. Ҳакам «Севилья» дарвозасига жарима тўпи белгилади ва бироз вақт ўтгач Мессини бутсасини жуда секин кийгани учун огоҳлантирди.

Бу Месси учун мавсумдаги учинчи сариқ карточка бўлди. Бу баҳсда Луис Суарес мавсумдаги бешинчи огоҳлантиришини олди ва «Малага» билан учрашувда иштирок эта олмайдиган бўлди.

Ҳавола :

Манба : marca.com

Янгиликларни Телеграмда ўқинг!

Рейтинг: +11