“Барселона” ҳимоячи сотиб олади

“Барселона” Самюэль Умтитининг жароҳатидан тезроқ фориғ бўлишига умид қилмоқда. Бироқ футболчи ЖЧ-2018 вақтида тиззасидан олган жароҳатидан ҳали ҳам қутула олгани йўқ. Қайд этилишича, каталонияликлар “Фиорентина” клубидан Никола Миленковични сотиб олиш ҳақида бош қотирмоқда. “Барселона” Николанинг ўйинларини ЖЧ-2018 мусобақаси вақтидан бери кузатиб келаётгани айтилмоқда.

Сербияликнинг “Фиорентина” билан шартномаси 2022 йилгача тузилган. У жорий мавсум А Cерияда 12 та ўйин ўтказиб, 3 та гол урди.