Mundo Deportivo нашрига кўра, Каталония клубида келаси мавсум олдидан кучайтирилиши керак бўлган позициялардан бири — чапақай марказий ҳимоячи эканлиги ҳақида умумий фикр мавжуд.
Бастони рўйхатда биринчи ўринда туриб, каталонияликларнинг асосий мақсади ҳисобланади, у клуб талабларига тўлиқ жавоб беради ва ўзи ҳам ўтишга жуда қизиқмоқда. Келишув "Интер"нинг 70 миллион евро талаби туфайли амалга ошмаслиги мумкин.
"Бетис" эса Натан учун 35 миллион евро олишни умид қилмоқда, футболчига яқин манбалар эса бразилиялик тахминан 30 миллион еврога кетиши мумкинлигини айтишмоқда. Унинг хизматига Англия Премер-лигаси клублари "Вест Хем", "Нюкасл" ва "Борнмут" қизиқиш билдираётгани маълум бўлди, аммо Натаннинг ўзи Ла Лигада қолишни мақсад қилган.
