Kataloniyaliklar sport direktori Deku top-ligalarda o'zini ko'rsatgan tajribali vingerni qidirmoqda. "Barselona" bir nechta mashhur futbolchilar nomzodini ko'rib chiqmoqda - ehtimoliy bitim 60-70 million evroga tushishi kutilmoqda. Shuningdek, klub ikki qanotda ham o'ynay oladigan yarim himoyachini o'z safiga qo'shib olishni rejalashtirmoqda.
Qayd etilishicha, hozircha "Barselona" klubi kelasi yozda transferlar uchun qancha mablag' sarflashi mumkinligini bilmaydi - byudjet moliyaviy feyr-pley qoidalariga rioya qilinishiga bog'liq bo'ladi. Bundan tashqari, joriy mavsumda chempionlikning qo'lga kiritilishi rahbariyatning rejalarini o'zgartirishi mumkin.
