Балотелли фаолиятини БААда давом эттиради
08 янв 14:00
Янгиликлар
Балотелли фаолиятини БААда давом эттиради
Италиялик таниқли ҳужумчи Марио Балотеллининг янги клуби аниқ бўлди.
Журналист Жанлука Ди Марционинг хабар беришича, 35 ёшли футболчи БАА чемпионатининг иккинчи дивизионида иштирок этувчи "Ал Иттифоқ" клуби билан шартнома имзолади.
Келишув 2028 йилнинг ёзигача мўлжалланган. Балотеллининг янги жамоаси ҳозирча оғир даврни бошдан кечирмоқда — 11 турдан сўнг жамоа турнир жадвалида охирги ўринда бормоқда ва натижаларни яхшилаш учун италиялик футболчининг тажрибасига умид қилмоқда.
Марио Балотелли Европа футболининг топ-клубларидаги ўйинлари билан танилган. Турли йилларда у "Интер", "Милан", "Манчестер Сити", "Ливерпуль" жамоалари шарафини ҳимоя қилган, шунингдек, Италия терма жамоаси сафида ўйнаб, 2012 йилги Европа чемпионатида кумуш медал соҳиби бўлган.
Ўхшаш янгиликлар
championat.asia
Ўзбекистон U-23 терма жамоаси мусобақани ғалаба билан бошланди. Стартда Ливанни енгдик
Испания Суперкубоги. "Барселона" "Атлетик"ни ўта йирик ҳисобда таслим этиб, финалга йўл олди
АПЛ. "Манчестер Сити" "Брайтон" билан ўйинда яна очко йўқотди. Ҳусанов тўлиқ ўйнади
Равшан Ҳайдаров: "Уч очко қўлга киритилди. Болаларча қилинган хатолар Эронга қарши ўйинда такрорланмайди деб умид қиламан"
Фикрлар