"Аслида учрашувда иштирок этмаслигим керак эди. Бош мураббийимиз ўйиндан аввал мени кубок учун асраётганини айтиб ўтган эди. Аммо ҳисоб 2:1 бўлиб турган пайтда майдонга туширишга қарор қилди. "Малаван"га қарши ўйиннинг 80-дақиқасида ўзимиз учун керакли бўлган голни уриб олдик. Аслида биринчи лигадан чиққан жамоа учун 10-ўрин ёмон эмас. Эрон чемпионатининг кучини бу ерга келиб билдим. Мақсад кубокни қўлга киритиш, аммо бу осон эмас. Кубок чемпионлар лигасига йўлланма беради, шунинг учун унга бўлган эътиборжуда катта", - дейди Насимов кечаги учрашувдан сўнг сайтимизга берган интервьюсида.
