Жалолиддин Машарипов 37-дақиқада пенальти тепиш имконига эга бўлди, аммо уни аниқ амалга ошира олмади. Ўйиндаги ҳисоб эса 40-дақиқада мезбонларнинг гамбиялик ҳужумчиси Бубакарр Травалли томонидан очилди.
2-тайм бошида эса Машарипов рақиб жарима майдонига кириб, дарвозага кучли зарба берган ҳолда ҳисобни тенглаштирди. Бу 27 ёшли футболчининг дубайликлар сафидаги илк голи бўлди.
Шу тариқа, ўйинда ҳисоб бошқа ўзгармади – 1:1!
Жалолиддин ва Одил Ҳамробеков бугунги учрашувда тўлиқ ҳаракат қилишди.
“Шабаб Ал Аҳли” турнир жадвалида 34 очко тўплаб, 5-ўринда бормоқда.
“Ажман” – “Шабаб Ал Аҳли” 1:1 (1:0, 0:1)
“Ажман” ўйингоҳи
Голлар: Травалли 40 - 1:0, Машарипов 52 - 1:1
“Ажман” – Ал Хосани, Исмоил, Ракан, Игвекали, Ал Ямаҳи, Антонио, Муҳаммад Аҳмад, Ҳусайн Абдулраҳмон, Шайтит, Модибо Майга, Бубакарр Травалли
"Шабаб Ал-Аҳли": Мажид Носир, Волид Аббос, Муҳаммад Жобир, Муҳаммад Марзуқ, Абдулла Жамил (Абдулазиз Санқур, 65), Одил Ҳамробеков, Жалолиддин Машарипов, Каратабия (Ал Ҳасми), Ал Нақби (Ал Ҳассани, 65), Карлос Эдуардо, Игор Жезус
