Азизбек Усмонов: «Чиройли ўйинимиз билан мухлисларни хурсанд қиламиз»

Мазкур ўйин олдидан навоийликлар ҳимоячиси Азизбек Усмоновнинг фикрлари билан қизиқдик.

—Ўтган турда «Бухоро» билан учрашувда қайд қилинган натижа аллақачон унут бўлган, — дейди Азизбек Усмонов. — Ҳозир эса барчанинг диққат-эътиборимиз «Насаф» билан бўладиган баҳсга қаратилган. Рақибимиз халқаро ўйинлар ҳадисини олган. «Насаф» бежизга амалдаги Ўзбекистон кубоги соҳиби эмас. Аммо бу жамоамиз аъзоларини чўчита олмайди. Албатта, Қаршидан уйга ижобий натижа билан қайтиш учун бор маҳоратимизни ишга соламиз.

Муҳими, навбатдаги турга пухта ҳозирлик кўрдик. Жамоадошларимнинг кайфияти аъло даражада. Бугун ўйинимизни томоша қилиш учун Навоийдан ҳам кўпсонли мухлислар ташриф буюриши кутилмоқда. Биз чиройли ўйинимиз билан уларни хурсанд қилишга ҳаракат қиламиз, албатта.

«Қизилқум» ПФК матбуот хизмати.