Айбек Нурбаев: "Тақвим зич, 7 кундан буён сафардамиз"
26 апр 21:24
Янгиликлар

Айбек Нурбаев: "Тақвим зич, 7 кундан буён сафардамиз"

Про-лиганинг 4-туридан ўрин олган "ФарДУ" - "Жайхун" (1:0) учрашувидан сўнг меҳмонлар бош мураббийи Айбек Нурбаев матбуот анжуманида иштирок этди.

Ўйин ҳақида

- Биринчи навбатда "ФарДУ" жамоасини Про-лигадаги биринчи ғалабаси билан табриклайман. Мени ёддан чиқармаган фарғоналик мухлисларга рахмат айтаман, ҳозир ҳам "Нефтчи"га мухлислик қиламан. Ўйинга келадиган бўлсак, биз 7 кундан буён сафардамиз. Тақвим зич, биз тайёргарлик ва тикланишга тўлиқ улгурмадик. Ўйинни кўрдингиз, битта гол ғалабани ҳал қилди. Жамоамиз асосан 18-19 ёшли футболчилардан иборат. Улар Про-лигада дебют мавсумини ўтказишаяпти. Биз бу йигитларни "Арал"га ва турли ёшдаги терма жамоаларимизга етказиб беришни мақсад қилганмиз. Яна бир бор "ФарДУ" жамоасини ғалаба билан табриклайман.

- "Хоразм" билан ўйиндан сўнг таркибда қандай ротацияларни амалга оширдингиз?

- Асосий эътиборни "ФарДУ" билан ўйинга қаратгандик. "Локомотив" билан ўйиндан сўнг қисқа фурсатда "Хоразм" билан ўйнадик, бу учрашувда асосан ўйин амалиёти кам футболчиларга имконият бердик. Айтиб ўтганимдек, зич тақвим, шундан келиб чиқиб ҳаракат қилдик. Йигитларга рахмат, улар ҳар бир ўйинда борларини беришаяпти.

- Ўйин давомида юзага келаётган вазиятлар ҳақида фикрингиз?

- Таркибимиз асосан ёш футболчилардан иборат, бу ҳақида айтиб ўтдим. Баъзан тажриба ҳам етишмаган вазиятлар бўлади. Стандарт вазиятларда қийинчиликларга дуч келаяпмиз. Ишлашда давом этамиз, ёш футболчилар ўйиндан-ўйинга ўсиб, тажриба тўплаб бораверишади.

Ҳавола :

Манба : championat.asia

Янгиликларни Телеграмда ўқинг!

Рейтинг: +1