Авазбек Ўлмасалиев: "Натижани қишда сарҳисоб қиламиз. Бор эътиборимиз мақсадимизга қаратилган"

Учрашувдан сўнг унинг фикрларини тингладик.

"Ғалаба билан барчани табриклайман. Ўйин қийин кечиши маълум эди. Суперлигада осон йўқ. "Динамо"дан учралган мағлубиятдан сўнг мухлисларимизни хурсанд қилишимиз кераклигини ҳис қилиб тургандик. Олдимизга қўйилган олий мақсадимизга эришмоқчи бўлсак бундай ўйинларни бой бермаслигимиз шарт. Чемпион бўлишни истаётган жамоа рақиб танламаслиги ва ҳамма ўйинни ютиши керак. 

Ўйиндан олдин йигитларга гол уришимни айтгандим. Буни сезган эдим. Собиқ жамоамга гол урганимдан сўнг узр сўрашни ўйлагандим. Лекин футболда ҳиссиётлар бўлиб туради. "Бунёдкор"да шунча йил ўйнаганман, ҳурмат қиламан. 

Ҳали олдинда ўйинлар кўп. Олдиндан ҳеч нарса деб бўлмайди. Ҳозир бор эътиборни олдимизга қўйилган мақсадга қаратган ҳолда натижани қишда сарҳисоб қиламиз",- дейди Авазбек Ўлмасалиев.