Ўйинда жамоанинг илк голи ҳимоячи Авазбек Ўлмасалиев томонидан урилди. У голдан сўнг Ўзбекистон миллий терма жамоаси бош мураббийи Фабио Каннаварога ўзига ҳос жавоб қилди. Учрашувдан сўнг Авазбек Ўлмасалиевдан бу ҳақида фикрларини билишга қарор қилдик.
"Аввало барчани қўлга киритилган қийин ғалаба билан табриклайман. Осон ўйин бўлгани йўқ. 0:1 ҳисобида ортда бораётганимизга қарамай жамоамиз характер кўрсатди. Худога шукур, ғалабага эришдик.
Голни нишонлашимга келсак, бу олдиндан ўйланган эди. Анчадан бери ният қилиб юрган эдим. Каннаваро келган вақт тўп киритсам, шундай нишонлайман дегандим. Гол урдим, якунда шундай жавоб қилдим.
Жамоамиз уйғоняпти десак ҳам бўлади. Қишда клубни кўп футболчилар тарк этди. Жамоа алмашди. Бир-биримизни тушуниб олишимиз вақт талаб қиларди", – дейди Авазбек Ўлмасалиев.
