"Асосийси — ғалаба қозониш!" — Росеньор Слотнинг АПЛдаги стандартлар ҳақидаги танқидига жавоб қайтарди

Баҳс сабаби нимада?

Аввалроқ Арне Слот АПЛ клублари стандарт вазиятларга ҳаддан ташқари кўп таянаётганини ва шу сабабли бу турнир ўйинларидан завқ олмаётганини танқид қилган эди.

Росеньорнинг жавоби:

Лондонликлар устозининг фикрича, футболда голнинг қандай урилишидан кўра натижа муҳимроқ ҳисобланади:

"Ўйлайманки, футболнинг гўзаллиги ҳам шунда — унда турлича гол уриш мумкин. Мен учун ўйиннинг тўғри ёки нотўғри усули йўқ. Ишончим комилки, кеча биз бурчак тўпидан гол урганимизда, мухлисларимизга гол қандай кўринишга эга бўлганининг умуман аҳамияти йўқ эди. "Арсенал" мухлислари учун ҳам ўз жамоасининг голлари қандай урилгани муҳим эмас, деб ўйлайман. Ўйиндаги энг асосий нарса — ғалаба қозониш.

Бурчак зарбаларига келсак, мавсум охирида жамоаларнинг дарвозабонларга қандай таъсир ўтказаётганини ва ҳимояда қандай ҳаракат қилаётганини таҳлил қилиб чиқиш зарур, деб айтган бўлардим. Назаримда, бу айрим жамоаларга адолатсиз устунлик бермоқда", — деди Росеньор.

Мураббийлар ўртасидаги бундай ғоявий қарама-қаршиликлар АПЛдаги тактик курашлар қанчалик қизғин эканлигини яна бир бор исботламоқда.