Асенсио ўйин вақти камлиги туфайли "Барселона" таклифини тинглашга тайёр

Бу ҳақда "Diario Sport" хабар бермоқда.

Манбага кўра, 27 ёшли испаниялик футболчи 2023 йилда кам ўйин амалиётига эга бўлаётганидан норози. Хусусан, "Бетис" (0:0) билан ўйинда бош мураббий Карло Анчелотти уни ярим соатдан кўпроқ чигилёзди машғулотларда қатнашишга мажбур қилгани, лекин барибир майдонга туширмагани унга ёқмади.

Қайд этилишича, илгари Асенсио "Реал" билан шартномани узайтириши мумкинлиги тахмин қилинган бўлса, эндиликда футболчи ёзда жамоани эркин агент сифатида тарк этиш ҳақида жиддий ўйламоқда. Гарчи каталонияликлар ҳали бу борада ҳеч қандай қарор қабул қилмаган бўлса-да, у "Барселона"нинг таклифини тинглашга тайёр.