"Арсенал" ва ПСВ клублари ЕЧЛ плей-офф босқичи йўлланмасини қўлга киритишди. Гуруҳ босқичи якунланишига бир тур қолганда "Арсенал" 12 очко билан гуруҳда яққол пешқадам. ПСВ эса 8 очко билан иккинчи ўринни нақд қилган. "Ланс" жамоасида беш очко бор, аммо улар энди нидерландиялик рақибларини қувиб ета олишмайди. Сабаби, ўзаро ўйинлардаги устунлик ПСВ томонида. "Севилья" эса икки очко билан сўнгги ўринда бормоқда.
Шундай қилиб, ЕЧЛ гуруҳ босқичининг сўнгги турида "Ланс" ва "Севилья" Европа Лигасига йўлланма берувчи учинчи ўрин учун курашишади.
