Арда Турон жазоланишда давом этади. “Истанбул” футболчига катта жарима солди
29 май 2018 09:20
Янгиликлар
Арда Турон жазоланишда давом этади. “Истанбул” футболчига катта жарима солди
“Истанбул” клуби директорлар кенгаши жамоа аъзоси Арда Туронни Туркия лигасининг 32-тури доирасида “Сивасспор” билан ўйиндаги (1:1) хатти-ҳаракати учун жаримага тортди.
31 ёшли туркиялик ярим ҳимоячи қўшимча дақиқаларда майдондан четлатилди. Бунга унинг ҳакам қароридан норози бўлиб, лайнсменни туртиб юборгани сабаб бўлганди.
Туркия футбол федерацияси Туронни ён ҳакамни туртгани, бош ҳакамни ҳақорат қилгани ва таҳдидлари учун 16 ўйинга четлатди. Шунингдек, футболчи 7,7 минг евролик жаримага тортилди.
Клуб эса ўйинчига 250 минг евро миқдорида жарима тўлаш мажбуриятини юклади.
Турон келгуси мавсумнинг деярли бутун биринчи даврасини ўтказиб юборишга мажбур. У “Барселона”дан 2020 йилга қадар ижарага олинган.
Ўхшаш янгиликлар
championat.asia
ОЧЛ 2 плей-офф босқичига қуръа ташланди: Роналду етакчилигидаги "Ал Насср" "Арқадағ" билан ўйнайди
Тимур Кападзе дунёнинг энг кучли мураббийлари орасида кучли ўнликка кирди!
АПЛ. "Арсенал" "Астон Вилла"нинг ғалабали сериясига нуқта қўйди. МЮ аутсайдерни мағлуб эта олмади
Расман: Ислом Тўхтахўжаев — "Андижон" футболчиси!
Фикрлар