Арда Туран ҳакамни туртгани ва эътироз билдиргани учун 16 ўйинга четлатилди
11 май 2018 08:28
Янгиликлар

Арда Туран ҳакамни туртгани ва эътироз билдиргани учун 16 ўйинга четлатилди

Туркия футбол федерацияси қошидаги интизом қўмитаси “Истанбул” клуби ярим ҳимоячиси Арда Тураннинг мамлакат чемпионати 32-тур доирасида “Сивасспор” га қарши учрашувда (1:1) қилган ножоиз ҳаракатлари учун жиддий жазолади.

31 ёшли туркиялик футболчи 70-дақиқада майдонга тушди ва қўшимча дақиқаларда қанот ҳакамини туртгани ва бош ҳакамга билдирган эътирози учун 16 та учрашувга четлатилди.

Футболчи лайнсменни туртгани учун 10 та ўйинга ва ҳакамга таҳдид қилгани учун 6 та ўйинга дисквалификация қилинди. Шунингдек, Туран яна 7,7 минг евро жарима ҳам тўлайди.

Шу тариқа Арда Туран жорий мавсум сўнгги 2 та тур ва янги мавсумнинг биринчи даврасидаги барча ўйинларни ўтказиб юборади.

Ҳавола :

Манба : Туркия футбол федерацияси расмий сайти

Янгиликларни Телеграмда ўқинг!

Рейтинг: -3