Анри АПЛнинг энг яхши ҳимоячиси кимлигини айтди
07 дек 2023 10:32
Янгиликлар

Анри АПЛнинг энг яхши ҳимоячиси кимлигини айтди

Француз "канонирлар"дан бирини қайд этди.

"Арсенал" собиқ футболчиси Тьерри Анри "канонирлар" вакили Уильям Салибани АПЛнинг энг яхши ҳимоячиси деб атади.

"Менимча, у ҳозир энг яхшиси. У яккама-якка ҳолатда яхши ҳимояланади, орқасидаги бўш жойни қоплайди – барчасини энг юқори даражада бажаради. Уильям "Марсел"да ижара асосида ўйнаётганида мен Францияда ишлаётгандим, ўшанда "Арсенал" уни ўзида сақлаб қолмаганидан ҳайрон бўлгандим.
Ўша пайтда у аллақачон "Арсенал"нинг энг яхши ҳимоячиси эди. У қайтиб келди ва бу хато эканлигини ҳаммага кўрсатди. Энди у лиганинг энг яхши ҳимоячиси", – деди франциялик эксперт.

22 ёшли марказий ҳимоячи жорий мавсум барча турнирларда 21 та ўйин ўтказиб, 1 та гол урди ва 1 та голли узатмани амалга оширди.

Ҳавола :

Манба : Metro

Янгиликларни Телеграмда ўқинг!

Рейтинг: +4