Андрей Микляев: "Локомотив" мавсумни ажойиб ўтказди"

- Ўйин асабий кечди. Ғалаба жуда муҳим эди ва буни қийматини сезиб ўйнадик. "Локомотив" энг яхши ўйинни кўрсатмагандир, аммо ўзимиз учун керакли натижага эришдик. Учрашувда ҳар иккала жамоа футболчилари кўплаб хатоларга йўл қўйишди. "Локомотив" ажойиб мавсумни ўтказди. Бунинг учун клубдаги барча ходимлар ва жамоадаги барчани табриклайман. Биз катта кўламдаги ишларни амалга оширдик. Бу билан тўхтаб қолиш йўқ. Кейинги мавсум учун ҳам режаларни тузамиз ва муваффақиятли одимни давом эттиришга ҳаракат қиламиз, - деди Андрей Микляев.

"Биз чиройли ва ажойиб мавсумни ўтказдик. Бугунги ўйинда яхши ўйин кўрсатмаган бўлсакда, асосийси муҳим ғалабага эришдик. Тарихда ўйин эмас, балки натижа қолади. Биз мавсум олдидан ўз олдимизга қўйилган вазифаларни деярли ҳаммасини уддаладик. Бундан албатта хурсандмиз. "Насаф"га қарши ушбу мавсумдаги барча ўйинларда гол урдим? Буни сири йўқ. Шунчаки омадим келди, деб ўйлайман", - деди учрашувнинг энг яхши футболчиси бўлган Темурхўжа Абдухолиқов.