Андрей Аршавин: «Мендан ёмон мураббий чиқади»

Яқинда у Москвага ташриф буюрди ва Nike K11 жамоаси учун мастер класс уюштирди. Шу билан бирга, «Зенит» ва «Арсенал»нинг собиқ футболчиси Рос-сиянинг барча ҳудудларидан ташриф буюрган ёш футболчиларни қизиқтирган саволларга жавоб берди.

— Юлдузлик касали билан қандай курашасиз?

— Жуда осон. Чунки менда юлдузлик касали - туғма.

— Бу билан нимани назарда тут­япсиз?

— Ўйлашимча, бутун ҳаётим давомида ўзгармадим. Шу боис ҳам юлдузлик касали туғилганимдан бери бор, дейишим мумкин.

— «Арсенал» жорий мавсумда Англия чемпиони бўла оладими?

— Бу йил йўқ. Менимча, «Манчестер Сити» чемпион бўлади.

— Сиз бирга ўйнаган энг кучли футболчи ким?

— Сеск Фабрегас.

— Қарши ўйнаган-чи?

— Месси.

— «Барселона»га қарши ўйнаш қанақа?

— Фақат тўпни олиб қўйиш ҳақида ўйлайсиз.

— Англия ҳаётига мослашиб кетишингиз қийин бўлмаганми?

— Бу борада инглиз дўстларим ёрдам беришган. «Арсенал»да эса кўпроқ Пьер Мертезакер, Лукаш Подольски ва Томаш Росицкилар билан мулоқот қилардим.

— Нима учун Россия терма жамоаси 2008 йилдан буён ўзининг ёрқин ўйинларини намойиш қила олмаяпти?

— Яхшиси, гапирмаганим маъқул.

Шундан сўнг Аршавин болалар билан майдонга йўл олди ва бирга суратга тушди. Кейин эса журналистларнинг саволларига жавоб берди.

- «Қайрат» Россия чемпионатида қайси ўринда бўларди?

- Айтганча, қозоғистонлик футболчилар ҳам бу борада кўп сўрашади. Менимча, иккинчи саккизликда бўларди.

- Россия чемпионатига қайтиш истаги борми?

- Менимча, поездим кетиб бўлди. Мен истаган жамоага олишмайди. Мени олиши мумкин бўлган жамоага эса бормайман.

- 2017, 2018 йилларда терма жамоа нималарга эришиши мумкин? Таклиф олишга умид қиляпсизми?

- Бу поезд олдинги бекатдаёқ кетиб бўлган. Терма жамоани иккита турнирда томоша қилиш қизиқарли бўлса керак. Лекин қандай иштирок этиши ҳақида эса ҳозирча бир нима деб бўлмайди.

- Павлюченко «Урал»да гол уряпти...

- «Урал»га энди бормайман. Павлюченконинг маҳорати бор ва жамоага ёрдам бериши мумкин. Унда иккита вазият бўлди. Ҳар иккисида ҳам тўп дарвоза тўридан жой олди. Тўғри, биттасини инобатга олишмади. Жонатасда эса уч-тўртта вазият бўлди ва у дарвозадан юқорига тепиб юборди.

— Бу Россия чемпионатидаги легионерлар савиясига шаъмами?

— Бу менежментга бориб тақалади. Умуман олганда, «Рубин»даги олтинчи рақамли футболчи (Серхио Санчес)­ни кўриб ҳайрон қоламан. Жамоанинг нечта ўйинини кўрган бўлсам, бирор марта ҳам на юқоридаги, на пастдаги курашларда устун келди. Биринчи пас бордир деб ўйлагандим. У ҳам йўқ экан. Агар айтайлик, Бурлак ўйнаганида ундан ёмон ҳаракат қилмасди ва ўн баравар арзон бўларди.

- Сиз ҳали кучингиз борлиги учун ўйнаяпсизми ёки пул кераклиги учунми?

- Униси ҳам, буниси ҳам. Лекин сизлар мени кўп ишлаб топади деб ўйлайсизлар. Агар қанчалигини билмоқчи бўлсангиз, собиқ хотинимдан сўранг ва у айтган суммани иккига кўпайтиринг.

- Сизга «Зенит»нинг янги стадио­ни олдида ёдгорлик қўйишлари мумкинлиги ҳақидаги хабарларга қандай изоҳ берасиз?

- Бизнинг мамлакатда фақат ўлганларга ёдгорлик қўйишади.

- Сиз унга ҳақлимисиз?

- Билмасам. Ўзимга ўзим баҳо беролмайман.

- Хайрлашув учрашуви ҳақида ўйладингизми?

- Менда хайрлашув учрашуви бўлмайди. Нима учунлигини билмайма-ну, лекин бўлмайди.

- Қозоғистон молиявий тарафдан Хитойга қанчалик яқин?

- Узоқ. У ерда ҳам Россиядаги сингари инқироз ҳукмрон.

- Чин юртида ўйнашни истармидингиз?

- Хитойдан бир неча бор таклиф билан чиқишган. Лекин рад жавобини берганман. Умуман олганда, бу мамлакат мен учун эмас. У ерга ҳеч қачон бормайман.

- «Зенит» менежментида ишлаш истаги қолганми?

- Ҳа.

- Мураббий бўлишни истармидингиз?

- Мендан ёмон мураббий чиқади.

- Нима учун?

- Чунки...

Интервьюнинг тўлиқ қисмини "ИнтерФутбол" сайтида ўқиш мумкин.