"Андижон" легионер футболчини ўз сафига қўшиб олди

"Андижон" клуби янги мавсум учун тайёргарлиги жараёнида селекцияда ҳам режалаштирилган ишларни олиб бормоқда. Ниҳоят, мухлисларни қизиқтирган янгиликларга ҳам етиб келмоқдамиз. Жамоамиз сафи бир қатор янги футболчилар билан тўлдирилмоқда.

Жумладан, Анталиядаги йиғинда "Андижон" таркибига қўшилган македониялик Демир Имери билан шартнома имзоланди ва эндиликда ушбу ўйинчи расман жамоамиз аъзосига айланди.

Демир Имери. 1995 йилнинг 27 октябрь санасида Македониянинг Кисево шаҳрида таваллуд топган. Ҳужумкор ярим ҳимоячи ва қанотда ҳам тўп суради.

Футболчи фаолияти давомида "Работнички" (Македония), "Шкендия" (Македония), "Хоризонт" (Македония), "Ренова" (Македония), "Камза" (Албания), "Кеми Кингс" (Финляндия), "Моста" (Малта), "Олимпик Донеск" (Украина), "Влажния" (Албания), "Эгнатия" (Албания) ҳамда "Атирау" (Қозоғистон) клубларида тўп сурган.

Демир, "Андижон"нинг аҳил оиласига хуш келибсан!", — дейилади клуб хабарида.