Анчелотти: "Лэмпард буюк футболчи бўлган ва бундай ўйинларда ҳар нарса бўлиши мумкинлигини билади"
11 апр 2023 21:32
Янгиликлар

Анчелотти: "Лэмпард буюк футболчи бўлган ва бундай ўйинларда ҳар нарса бўлиши мумкинлигини билади"

Теглар : Фрэнк Лэмпард "Реал Мадрид"Карло Анчелотти

"Реал" бош мураббийи Карло Анчелотти "Челси"даги ҳамкасби Фрэнк Лэмпардга омад тилади.

"Мен 63 ёшдаман, у эса 44да. Демак, менда 20 йиллик қўшимча тажриба бор. Бироқ ўйинларда ҳар нарса бўлиши мумкин. Лэмпард ҳақиқатдан ҳам зўр футболчи бўлган ва у билан бирга ишлаш насиб қилган. У ажойиб профессионал эди.
У бундай ўйинларда исталган нарса бўлиши мумкинлигини билади ва шунга қараб жамоани тайёрлайди. Тажриба унчалик муҳим эмас. У футболчилар билан яхши таниш ва муваффақиятларга эришишга ишонади.
Албатта, "Челси"нинг ҳолати мени ҳам ташвишга солади, ушбу клуб билан менда яхши хотиралар қолган. Балки "Челси"ни қўллаб-қувватлаётгандек таассурот қолдиргандекман. У ерда иккита яхши мавсумни ўтказганман. Қайтиш? Йўқ. Лэмпард ушбу жамоа билан муваффақиятларга эришишига ишонаман ва умид қиламан", - деди "Реал" устози.

Ҳавола :

Манба : championat.asia

Янгиликларни Телеграмда ўқинг!

Рейтинг: +2