Александр Хомяков: "Хебай "Андижон"да қолади деб ўйлайман"
24 июн 2023 00:08
Янгиликлар

Александр Хомяков: "Хебай "Андижон"да қолади деб ўйлайман"

"Бухоро" ҳамда "Андижон" ўртасидаги Суперлиганинг 13-тур ўйинидан (0:1) сўнг меҳмонлар устози Александр Хомяков матубот анжуманида иштирок этиб, журналистлар саволларига жавоб берди.

Хомяков: "Турнирдаги вазиятни ҳисобга олган ҳолда ўйин қийин бўлишини билардик, ҳаво ҳам баҳсга таъсир кўрсатди. "Бухоро" биринчи бўлимда 3 нафар ҳимоячи билан ўйнашини кутгандик, аммо улар 4 нафар ҳимоячини майдонга туширишди. Шу сабабли ўйинимизда бироз тушунмовчилик юз берди. Бахтимизга иккинчи таймда ўзимизга келдик ва ҳужумларимиздан бирини гол билан якунладик. Кейин устунликни ушлаб қолишга ҳаракат қилдик. Иссиқ сабаб футбол ўйнаш қийин бўлди. Бироқ ҳаммаси яхши якунланди.

Мухлислар, жамоа, вилоятимиз ва янги ҳомийни ғалаба билан табриклайман".

- Бугун ғалаба қозонишни кутганмидингиз?

- Албатта кутгандим. Бироқ иккала жамоага очко сув ва ҳаводек кераклиги учун қийин бўлди. Футболчиларнинг профессионализмидан кўнглим тўлди.

- Клуб маош ва мукофот пуллари бўйича қарзини узганини ўқидик...

- Ёзишиптими, бу ҳақида гапирсам бўладими... Ҳа, ҳомийимиз ва ҳокимият қўллаб-қувватлаши орқали қарзлар узилди. Бундан сўнг ёмон ўйнай олмасдик.

- Рубен Хебай мавсумнинг иккинчи қисмида жамоада қоладими?

- Унинг "Андижон" билан шартномаси бор, Хебай қолади деб ўйлайман.

Ҳавола :

Манба : championat.asia

Янгиликларни Телеграмда ўқинг!

Рейтинг: +11