Швециялик футболчи 2025 йил 21 декабрь куни АПЛ доирасидаги "Тоттенхэм"га қарши баҳсда (2:1) болдир суягини синдириб олган эди.
"Алекс ҳозир жуда яхши ҳолатда, деб ўйлайман. Швеция терма жамоаси Жаҳон чемпионатига йўлланма олди, бундан ташқари, у эртага жамоа билан бирга илк машғулотини ўтказади.
Албатта, бу уч-тўрт ойлик танаффусдан кейинги илк машғулот, аммо унинг қайтгани жуда муҳим. Биз қандай даражадаги ҳужумчини сотиб олганимизни ҳаммамиз биламиз — у ақл бовар қилмас иқтидор. Мавсумнинг сўнгги икки ойида унинг ёрдами бизга жуда керак бўлади", — деди Слот клуб расмий сайтига.
Эслатиб ўтамиз, "Ливерпуль" Исакни 2025 йил сентябрь ойида 145 миллион евро эвазига сотиб олган эди. У жароҳат олгунига қадар жорий мавсумда 16 та ўйинда майдонга тушиб, 3 та гол ва битта голли узатмага муаллифлик қилган. Мерсисайдликлар мухлислари эндиликда ҳужумчининг мавсум финишида ўз сўзини айтишини кутишмоқда.
