Ўйин ҳақида
- Ўйин осон ўтмади. Қўллаб-қувватлаб келаётган мухлисларга рахмат. Менда кўрсатаётган ўйинимиз бўйича норозилик бор. Иккинчи бўлимда деярли футбол ўйнамадик. Бундай ўйин билан кейинги турларда ғалаба қозониб бўлмайди. Негадир бир руҳан тайёр бўлмаётгандекмиз.
- Демак сиз жамоа кўрсатган футболдан норозисиз. Натижаданчи?
- Натижа ғалаба келтирадиган бўлса, албатта ёқимли. Бироқ, бугун кўрсатган ўйинимиздан мутлақо норозиман, умуман қониқмадим. Айниқса, иккинчи бўлимда кўрсатган футболимизни оқлаб бўлмайди.
- Захирадан қўшилган футболчилар ўзларини оқлашдими?
- Айтиб ўтдим, иккинчи бўлимда бизда ҳеч нарса ўхшамади. Захира орқали ўйинни кучайтиришга уриндик, бироқ самара келтирмади. Агрессив футбол кўрсата олмадик, қанотларимиз ҳам кўнгилдагидек ишламади.
- Танаффусда футбрлчиларга ўйинни ўзгартириш бўйича кўрсатмалар бердингизми?
- Бугун ўз кучимизни ҳар томонлама исботлаб қўйишимиз мумкин эди. Хулосалар чиқарамиз, камчиликлар устида ишлаймиз. Танаффусда агрессив футбол ўйнашимиз ҳақида тушунтирдим.
- "Машъал" иккинчи бўлимда ўйинни кучайтиришини кутганмидингиз?
- Мағлубиятга учраётган томон ўйинни кучайтиришга интилади. Майдон марказида устунликни бой бермасдан тўп назоратини қўлга олганимизда барчаси бошқача бўларди.
