Александр Хомяков: "Ким кўпроқ ҳужум қилса ўша кўп ғалаба қозонадими? "Лестер"га қаранг!"

"Ғалаба қозонганимиздан хурсандман. Деярли икки ойдан бери ғалаба қозона олмаётгандик. Хаттоки мавсумолди йиғинлар пайтида ҳам. Йигитларга бунинг учун раҳмат айтмоқчиман. Умид қиламанки, бу давомли бўлади. Ўйлаган режаларимиз амалга ошганидан хурсандман.

Ўйинни ташкил қилишда муаммоларимиз бор. Характер кўрсатган йигитларга раҳмат. Футболчиларимизни, мухлисларимизни ғалаба билан табриклайман.

Ўз майдонимизда ўйнаганимиз учун ҳам кўпроқ ҳужум қилишимиз лозим эди. "Бунёдкор"га қарши ўйинда эса ҳимоявий ўйин кўрсатгандик. Ўша ўйинда асосий мақсадимиз - мағлубиятга учрамаслик эди.

Ким кўпроқ ҳужум қилса ўша кўп ғалаба қозонадими? Англияда "Лестер" кўп ҳужум қилмоқда деб ўйлайсизми? Лекин, жамоа турнир пешқадами бўлиб турибди. Шунинг учун, тўп билан муомала қилишда устунлик қилиш ғалабани кафолатлайди демаган бўлардим.

Келажакда яна ҳужумкор футбол кўрсатамиз", - дея ўз фикрларини якунлади Хомяков.

"Машъал" матбуот ҳизмати