"Ал Насср" Бускетсга йилига 18 миллион евро маош таклиф қилди
07 фев 2023 17:48
Янгиликлар

"Ал Насср" Бускетсга йилига 18 миллион евро маош таклиф қилди

"Ал Насср" "Барселона" ярим ҳимоячиси Серхио Бускетсга шартнома таклиф этди, деб хабар берди "Mundo Deportivo".

Манбага кўра, Саудия Арабистони клуби 34 ёшли футболчига йилига соф 18 миллион евро маош таклиф қилмоқда. Шу билан бирга, футболчи шартнома муддатини ўзи танлаши мумкин.

Бускетс жавоб беришга шошилмаяпти, чунки у "Барселона"дан битимни узайтириш бўйича таклифни кутиш ниятида.

Аввалроқ "Ал Насср" ярим ҳимоячига йилига 20 миллион евро таклиф қилгани, бироқ Бускетс рад жавобини бергани хабар қилинганди.

Ярим ҳимоячининг "Барселона" билан амалдаги шартномаси 2023 йилнинг ёзига қадар мўлжалланган. Жорий мавсумда Бускетс барча турнирларда 27 та ўйин ўтказиб, 1 та голли узатмани амалга оширди.

Ҳавола :

Манба : Mundo Deportivo

Янгиликларни Телеграмда ўқинг!

Рейтинг: