Акмал Рустамов: "Нефтчи"нинг учинчи голида футболчи тўпни қўли билан ўйнаганди, лекин у инобатга олинди"

"Биз бу учрашувга яхши тайёргарлик кўрган эдик. Аммо беллашувнинг бошида ўтказиб юборилган иккита тезкор голдан кейин жамоам ўзига келиши озшина қийин бўлди. 

Иккинчи бўлимдаги керакли тактик ўзгаришлар иш берди ва ҳисобни қисқартиришга эришдик.

"Нефтчи"нинг учинчи голида футболчи тўпни қўли билан ўйнаганди, лекин у инобатга олинди. Ўша вазиятда ҳакам голни ҳисобга олмаганида эди, баҳсдаги натижа бошқача кўринишга келарди. Эҳтимол, биз мувозанатни тиклаган бўлишимиз ҳам мумкин эди.

Футболчиларимга майдонда борини бериб ҳаракат қилгани учун раҳмат айтаман ва "Нефтчи" жамоасини чемпионлик билан табриклайман! Сўнгги турда ўз уйимизда ўйнаймиз ва бизга "Шўртан" жамоаси рақиблик қилади. Мазкур баҳсда чиройли ғалаба билан мавсумни якунламоқчимиз. Ҳа, яна бир нарса, бугун Навоийдан узоқ йўл босиб келган мухлисларимизга миннатдорлигимни билдираман", – деди Рустамов.