– Оёғингиздаги жароҳатингизга кўзим тушди. Бу қанчалик безовта қиляпти?
– Ёмонмас. Икки-уч кунда тикланиб, кейинги ўйингача сафга қайтишга ҳаракат қиламан.
– Шифокорларнинг илк ташхиси қандай бўлди?
– Эртага текширувлардан сўнг аниқ бўлади.
– Пенальти белгиланган баҳсли вазият ҳақида фикрингизни билмоқчи эдим.
– Шуни айта оламанки, мен тўп учун ўйнадим. Пенальти белгиланган сўнг, кулиб юбордим. Ҳайронман. Ўтган мавсум "Динамо"га қарши ўйинда ҳам айнан шу ҳакам Абдураҳмовнинг жарима майдони ташқарисидаги фолидан сўнг 11 метрли нуқтага ишора қилганди. Бу вазият ҳам анча баҳс-муҳокамаларга сабаб бўлганди. Пенальтига лойиқ қўполлик бўлганда, бу ҳақда ўзим айтардим. Мендан ҳам сўрашди. Виждоним тоза. Ҳакам қўл билан эмас, оёқ билан йиқитганимни айтди. Мен дарвозабонман-ку, қўл билан отилган бўлсам, оёқ билан қандай йиқитишим мумкин?! Фараз қиляпсизми?
