"Зўр ўйин бўлди. Ушбу жанговар баҳсда икки жамоа ҳам охиригача курашди. Стадионга келиб, сўнгги сонияларга қадар бизни қўллаб-қувватлаган мухлисларга раҳмат. Барчани ғалаба билан табриклайман!
Бу менинг ўз уйимиздаги иккинчи ўйиним эди. Бугун Кубок баҳсига анча мухлис йиғилди.
Биз охиригача курашиб, ғалаба қозонишни уддаладик", – дея гап бошлади Файзуллаев.
Пенальти тепишни ўзингиз хоҳладингизми ёки бу вазифа сизга тайинланганмиди?
- Тайинлашганди, аммо ўзим ҳам тепишни хоҳладим, гол уришимга амин эдим.
- Жамоага киришиб кетишингиз осон кечди. Кўпроқ ким билан мулоқот қиласиз?
- Ҳамма билан мулоқот қилишга уриняпман. Бошида Саша Зделар кўп гаплашдим. У фарзандли бўлгани учун рафиқаси олдига жўнаб кетди. Уни чин дилдан табриклайман! Дарҳақиқат, бугун мен ҳам жиянли бўлдим (кулади).
Сашадан ташқари, Глеб, Кисляк, Лукин билан илиқ муносабатдаман.
