“Ювентус” ҳужумчиси Мойзе Кин Италия А сериясининг 38-турида “Болонья”га қарши ўйиннинг сўнгги дақиқасида гол уришга эришди.
Бу 17 ёшли ҳужумчининг А сериядаги илк голи бўлди. У 79-дақиқада майдонга тушурилган эди. Шу билан бирга Кин Италия чемпионатида 2000 йилда туғилган чарм тўп усталари орасида дастлабки гол урган футболчига айланди.
Кин 2016 йилнинг ноябрь ойида А серияда дебют ўйинини ўтказган эди.
