U-23 Осиё чемпионатига тайёргарлик кўраётган Жанубий Корея иккита ўртоқлик учрашуви ўтказади
25 дек 2019 16:54
Новости

U-23 Осиё чемпионатига тайёргарлик кўраётган Жанубий Корея иккита ўртоқлик учрашуви ўтказади

Хабарингиз бор, 8-26 январь кунлари Таиландда навбатдаги U-23 Осиё чемпионати бўлиб ўтади.

Ушбу мусобақада кураш Олимпиада йўлланмаси учун кечади ва кучли учликдан жой олган жамоалар Токио-2020 Олимпиада ўйинларига йўлланма олади. Биз билан бир гуруҳда кураш олиб борадиган Жанубий Корея шу кунларда Сеулда машғулот ўтказяпти. Терма жамоа бош мураббийи Ким Хак Бум кеча мусобақада қатнашадиган футболчилар рўйхатини маълум қилди.

Жанубий Корея олимпия терма жамоаси шу ҳафтанинг шанба куни машғулотларни давом эттириш мақсадида Малайзияга йўл олади. Малайзиядаги йиғин чоғида рақибимиз Саудия Арабистони ва Австралияга қарши ўртоқлик учрашуви ўтказади. Саудия Арабистонига қарши баҳс 31 декабрь, Австралия билан ўйин эса 3 январга белгиланган.

Жанубий Корея олимпиячилари U-23 Осиё чемпионатидаги илк учрашувни 9 январь куни Хитойга қарши ўтказишади. Ўзбекистон - Жанубий Корея беллашуви эса 15 январда бўлиб ўтади.