Суарес: "Эврани қоравой деб атадим. Дўстларимни шундай чақираман"

2011 йилда "Ливерпуль" - "Манчестер Юнайтед" учрашувидан сўнг Эвра Суарес унга ирқчилик руҳидаги ҳақоратли сўзлар айтганини эълон қилади.

"Патрис Эврага шундай қилишни ўргатишган. Бу "Юнайтед" футболчиларидан эканлигини биламан. Улар кийниш хонасида мени муҳокама қилиб, Эврага шундай дейишган: "Хой, сен уни ирқчиликда айблашинг мумкин!". У эса айтилганни бажарди. Ҳа, уни қоравой деб атаганман. Дўстларимни шундай чақираман. Ҳамма буни ҳақорат сифатида қабул қилди. Аммо мен ҳеч қачон "ниггер" сўзини ишлатмаганман. Ўшанда уни умуман танимасдим.

Кейинги баҳсда қўл бериб кўришмаганимга тўхталадиган бўлсак, Эвра ҳамма билан саломлашди, аммо менга навбат келганида, тезда қўлини пастга тушириб, мени қўлимни ушлаб олди ва бошқа қўли билан мени кўрсатди. Бу жуда кулгили эди. У мен билан кўришадими, йўқми, менга фарқи йўқ" - дейди уругвайлик.