"Реал"нинг азалий рақиби Лунин учун 25 млн евро беришга тайёр

"Атлетико" "Реал"нинг украиналик дарвозабони Андрей Лунинни сафига қўшиб олиш истагида.

"Defensa Central"нинг хабар беришича, "матрасчилар" Лунинда ўйин амалиёти етарли эмаслиги туфайли унинг норозилигидан фойдаланиб қолишлари мумкин. "Атлетико" у учун 25 млн евро ажратишга тйёр.

Бироқ "Реал"нинг ўз азалий рақибига футболчисини сотиши эҳтимолдан йироқ.

Эслатиб ўтамиз, Луниннинг "Реал" билан битими 2030 йилгача мўлжалланган, аммо томонлар ўртасида оғзаки келишув мавжуд бўлиб, унга кўра украиналик футболчи яхши таклиф олган тақдирда клубни тарк этади.