Расман: Гюндоган "Ман Сити"дан "Галатасарой"га ўтди. Трансфер турк клубига текинга тушди
03 сен 01:15
Новости

Расман: Гюндоган "Ман Сити"дан "Галатасарой"га ўтди. Трансфер турк клубига текинга тушди

Гюндоган турк гранди сафига бориб қўшилди.

34 ёшли германиялик ярим ҳимоячи турк клуби билан 2027 йил ёзигача шартнома тузди. "Галатасарой" "Сити" Илкайни бепул қўйиб юборганини маълум қилди. Туркияда Гюндоган йилига солиқлар чегирилгандан сўнг 4,5 миллион евро даромад олади.

Гюндоган "шаҳарликлар" таркибида икки давр мобайнида (2016-2023, 2024-2025) 14 та соврин, жумладан, АПЛда 5 та чемпионлик ва Чемпионлар лигаси ғолиблигини қўлга киритган.

У клуб сафида барча турнирлар доирасида 358 та ўйин ўтказиб, 65 та гол урган.