Ўзбекистон терма жамоаси эртадан йиғинга киришади

Хабарингиз бор, бош мураббий Фабио Каннаваро томонидан FIFA Series мусобақаси учун жалб этилган футболчиларнинг кенгайтирилган рўйхати аввалроқ эълон қилинган эди.

Сўнгги маълумотларга кўра, ушбу рўйхатдан жой олган Жалолиддин Машарипов, Ҳусниддин Алиқулов, Аббосбек Файзуллаев, Дилшод Комилов, Иброҳимҳалил Йўлдошев, Абдулла Абдуллаев, Алибек Давронов ва Ҳусайн Норчаев турли даражадаги жароҳатлари туфайли йиғинни ўтказиб юбориши маълум бўлди.

Эслатиб ўтамиз, миллий терма жамоамиз FIFA Series лойиҳаси доирасида қуйидаги учрашувларда майдонга тушади:

• 27 март, соат 19:00 | Ўзбекистон – Габон

• 30 март, соат 19:00 | Ўзбекистон – Венесуэла

Ҳар иккала учрашув ҳам пойтахтимиздаги "Бунёдкор" стадионида бўлиб ўтади.