"Нефтчи" россиялик футболчи олдидаги қарзини маълум қисмини тўлади
10 июл 2020 09:36
Новости

"Нефтчи" россиялик футболчи олдидаги қарзини маълум қисмини тўлади

2018 йилги мавсумда "Нефтчи" жамоасида тўп тепган россиялик легионер Вячеслав Сушкин билан клуб ўртасида юзага келган муаммо хабар берган эдик.

ЎзПФЛ директори вазифасини вақтинча бажарувчи Диёр Имомхўжаев телеграм каналида маълум қилишича клуб россиялик футболчи олдидаги қарзининг маълум миқдорини тўлаган.

"Нефтчи футбол клуби устидан унинг собиқ легионери Вячеслав Сушкин ФИФАга арз қилгач, Фарғона клуби учун кетма-кет уч трансфер ойнаси ёпиб қўйилганди. Биздаги маълумотга кўра, "Нефтчи" қарздорликнинг 45 фоизини ёпишга эришди. Тез орада Сушкин билан тўлиқ ҳисоб-китоб қилиш устида ишланяпти".

Маълумот ўрнида айтиш мумкинки, жамоа Про лиганинг дастлабки икки турида юз фоизлик натижа қайд этган ҳолда турнир жадвалида биринчи ўринда кетмоқда.