"Манчестер Юнайтед" ҳимоячиси ҳайдовчилик гувоҳномасидан 6 ойга маҳрум қилинди

Француз футболчиси 666 фунт стерлинг (£666 — €759) жарима тўлади, шунингдек, 120 фунт стерлинг (£120 — €136) суд харажатлари ва 266 фунт стерлинг (£266 — €303) компенсация тўлови тўлашга мажбур бўлди. Бу ҳақда BBC хабар берди.

Йоро 2025 йил август ойи охирида Манчестер чеккасида йўл қоидасини бузган. "Қизил иблислар" ҳимоячиси ўзининг Porsche Cayenne GTS машинасида турар жойлар ва мактаб яқинидаги йўлда 112 км/соат тезликка чиққан, бу эса 48 км/соатлик чекловдан икки баравардан кўп эди. Футболчи айбини тан олди, унинг адвокатлари унинг номидан узр сўрашди ва йўл бўш бўлгани, у дўстини темир йўл станциясига олиб боришга шошганини айтишди.

Лени Йоро 2024 йил ёзида "Лилль"дан "Манчестер Юнайтед"га 62 миллион евро эвазига ўтган. 2025/2026 мавсумида ҳимоячи барча турнирларда 24 та ўйин ўтказиб, битта голли узатма берди. Французнинг манкунианлар билан шартномаси 2029 йил ёзигача амал қилади. Transfermarkt портали уни 55 миллион еврога баҳоламоқда.