Кейруш: "Хамесни чақирмаслик менинг қарорим"

Олдин тарқалган маълумотларга кўра, мадридликлар вакили терма жамоа вакилларидан "Реал" асосий таркиби учун курашиши лозимлиги сабаб ўзини терма жамоага чақирмасликларини сўрагани айтилган эди.

"Айримлар Хамес мендан ўзини терма жамоага чақирмаслигимни сўраганини айтишмоқда. Бу нотўғри. Ўйинчилар қачондир мендан ўзини терма жамоага чақирмасликни сўраши билан боғлиқ вазият мен билан ҳеч қачон содир бўлмаган.

Бу менинг қарорим. Биз чақирган ўйинчилар қисқа муддатли вазифамизни уддалаш учун етарли. Ҳозир бизда 15-16 ўйинчидан иборат база бор.

Мен аввал чуқур ўйлаб кўраман ва кейин қарорларни қабул қиламан. Бундан ташқари, мен бу ерда ёлғиз эмасман. Мен мураббийлар штаби билан маслаҳатлашаман. Мен ҳеч қачон ёрдамчиларим, ўйинчилар ва жамоа шифокорлари билан гаплашишдан чарчамайман", - деди Кейруш.

Колумбия терма жамоаси 12 октябрда Чили билан, 15 октябрда эса Жазоир терма жамоаси билан ўртоқлик ўйини ўтказади.