"Барселона" ПСЖ футболчиси билан келишиб олди

"Sport.es" нашрининг маълумотига кўра, каталонияликлар спорт директори Эрик Абидаль Рабьонинг онаси билан учрашиш учун Парижга учиб кетди. Адриеннинг онаси унинг агенти ҳам ҳисобланади.

Томонлар ўйинчилар шартнома шартлари борасида келишувга эришганлар. Рабьонинг "Барселона"даги маоши йилига 7 миллион еврони ташкил этиши мумкин ва у клуб билан 5 йиллик шартнома имзолайди.

Энди каталонияликлар ушбу трансфер борасида ПСЖнинг ўзи билан келишишлари керак. Парижликлар Рабьо билан шартномани узайтиришмоқчи. Лекин, бир йилдан сўнг уни эркин агент сифатида қўйиб юбормаслик учун яхши таклифларни кўриб чиқишга ҳам тайёрлар.