Баҳром Ҳакимов: "Ўзбекистон туманига яна катта футбол қайтганлигидан хурсандмиз"
11 апр 2019 22:38
Новости

Баҳром Ҳакимов: "Ўзбекистон туманига яна катта футбол қайтганлигидан хурсандмиз"

“B” Про-Лига 1-туридан ўрин олган “Турон” - “Локомотив-БФК” (1:0) учрашувидан сўнг мезбонлар бош мураббийи Баҳром Ҳакимов қуйидагича фикрларни билдирди.

Мана бугун Про-Лига мусобқаларидаги илк учрашувимизга 5000га яқин футбол мухлислари ташриф буюрди, биринчи навбатда уларга миннатдорчилик билдирмоқчиман. Бугунги ўйин дастлабкиси бўлганлиги туфайли, футболчиларимизга майдонда ўз маҳоратларини тўлиқ кўрсатишларига бир оз тўсқинлик қилди. Ҳар доим биринчи учрашувлар қийин тарзда кечади, ўйиндан қониқмаган бўлсамда, натижадан хурсанд бўлса бўлади.

Ўзбекистон туманига яна катта футбол учрашувлари қайтганлигидан хурсандмиз. Биз бугун қарши ҳужумда ўйнамадик, ўйинимизни ҳужумкор тактикага асосланган холда ташкил этдик. Танаффусда шогирдларимга рақиб даврозасига гол киритиб олишмиз ҳақида айтдим. Негаки гол урсак, рақибларимиз ҳужумга ўтади ва қарши ҳужумда бизга очиқ худудлар пайдо бўлар эди.

Кейинги турда Шаҳрихонинг “Раш-милк” жамоасига қарши майдонга тушамиз, бу учрашувга ҳам худди аввалгидек тайёргарлик кўрамиз. Бу жамоага қарши ўртоқлик учрашувларида майдонга тушганмиз, умуман олганда улар бизни, биз ҳам уларни яхши биламиз.

Бугунги учрашув учун шогирдларимга миннатдорчилик билдираман – дейди Баҳром Ҳакимов.

Бекзод Толибов ёзиб олди.