"Валенсия" Винисиус ҳақидаги ҳужжатли фильм туфайли Netflix'ни судга берди

Фильмда айтилишича, "Месталья"даги мухлислар "mono" (маймун) деб ҳайқирган, аммо клуб "tonto" (аҳмоқ) сўзи айтилганини даъво қилмоқда.

Клуб тузатиш киритишдан бош тортилганидан кейин судга даъво киритган. "Валенсия" товон пули, субтитрларни тузатиш ва суд қарорини эълон қилишни талаб қилмоқда.

Карло Анчелотти аввалига стадионни ирқчиликда айблаган, бироқ кейинроқ бу бутун арена томонидан янграмаганини таъкидлаб, узр сўраганди. 

3 нафар мухлис Винисиусни ирқий ҳақоратлагани учун 8 ойлик қамоқ жазосига ҳукм қилинган.

Испанияда бир неча бор ирқчиликка дучор бўлган футболчининг ўзи ўша учрашувда йиғлаб юборган ва маймунча имо-ишоралар қилган мухлис билан жанжаллашиб қолган эди.