Деку "Барселона"нинг Нико Уильямсга бўлган қизиқишини рад этди

"Ҳеч қачон Нико Уильямсни таъқиб қилмаганмиз. Аслида унинг агенти биз билан бир неча бор боғланган, аксинча эмас. "Атлетик" Бильбао ўз вакилидан нега бундай гаплар пайдо бўлганини сўраши керак. Очиғи, футболчининг ўзи ҳам биз излаётган профилга унчалик ҳам тўғри келмасди.

Биз келишув шартлари ва параметрларини ўзимиз белгилаймиз. Шундан сўнг музокаралар қоғозга туширилиши керак. Ва биз аниқ айтганмиз: қўйилган шартлар қабул қилинмайди, чунки ҳеч бир футболчи ўз қоидаларини клубга сингдиролмайди", – деди Деку.

Эслатиб ўтамиз, Нико Уильямс жорий мавсум Ла Лиганинг 3 ўйинида майдонга тушиб, 1 та гол урди ва 1 та голли пас узатди. Ҳозирда у жароҳатини даволаш билан банд.