Анри Зидан билан боғлиқ вазиятга изоҳ берди

Испания футболига бефарқ бўлмаган мухлислар яхши билишади, "қироллик клуби"да қолган барча ўйинлар битта мавзу, "Барселона"га қарши бўладиган учрашувлар алоҳида бир мавзу. 

Айнан шунинг учун ҳам, "Эл-класико"даги йирик мағлубиятдан сўнг, ОАВда "қаймоқранглилар" устози Зинедин Зидан истеъфога чиқарилиши ҳақидаги гаплар тарқала бошлади. 

Зизунинг ҳамюрти, Франция термаси собиқ ҳужумчиси, "Арсенал" клуби афсоналаридан бири Тьерри Анри вазиятга фикр билдирди. 

- Тўғри, бу икки клуб учун "Эл-класико" ўта муҳим ҳисобланади. Аммо Зидан "Реал" учун қилган ишлар ва қисқа вақт ичида у билан эришган ютуқлардан сўнг, унинг ишдан олиниши ҳақидаги гапларни эшитиш кулгили, деди Тьерри Анри.