Zoir To'raqulov: "Biz bugun o'z o'yin uslubimizni ko'rsatamiz"

Ananaga ko'ra, har bir uchrashuvdan oldin jamoamiz bosh murabbiyi – Zoir aka To'raqulovning ushbu o'yindan oldingi fikrlari bilan qiziqdik.

-  “SHo'rtan”ning yangi mavsumdagi muvaffaqiyatsiz starti-yu, “Navbahor”ning kuchi va ushbu uchrashuvning ahamiyati haqida ortiqcha gapirishning yoki qandaydir fikr bildirishning hojati yo'q. O'zimizning jamoa haqida to'xtaladigan bo'lsam, yigitlarning kayfiyati ko'tarinki darajada. SHu sababli, bugun hech ikkilanmay joriy chempionatdagi shu kungacha uchrab kelgan omadsizligimizga chek qo'yamiz deya olaman. Raqibimizga o'z o'yin uslubimizni ko'rsatamiz.

-  Fursatdan foydalanib, “SHo'rtan” jamoasini har tomonlama qo'llab-quvvatlayotgan, klubimizning bosh homiysi hisoblanmish “SHo'rtanneftgaz” MCHJga nafaqat futbolchi va murabbiylar, balki barcha muhlislari nomidan ham o'z minnatdorchiligimizni izhor etmoqchiman. Ularning bizga bildirilayotgan ishonchni oqlashga harakat qilamiz, - deydi To'raqulov.

“SHo'rtan PFK” matbuot xizmati