JCH-2014. Prevyu. Gollandiya - CHili

Ushbu guruhda birinchi o'rinni egallagan jamoa nimchorak finalda mezbonlarga duch kelmasligi mumkin. Katta ehtimol bilan Braziliya "A" guruhida birinchi o'rinni oladi. Bunday holatda mezbon bilan to'qnashuvdan qochishga urinish har bir jamoada kuzatiladi. Uchrashuvda Gollandiyani durang ham birinchi pog'ona bilan taminlaydi. CHiliga esa faqat g'alaba zarur.



Tarkiblarda yo'qotishlar mavjud. Van Persi diskvalifikaciya tufayli o'ynamaydi. Gollandiyadan Martins Indi, CHilidan Arangis jarohat olgan. Demak, Van Gaal ham, Sampaoli ham bu muammolarni hal etishlari va o'yin uslubiga o'zgartirish kiritishlari zarur.



Gollandiyaliklar 4-3-3 sxemasida o'ynashi mumkinligi taxmin qilinmoqda. CHili esa odatiy yo'nalishidan voz kechmasa kerak. SHu bilan birga jamoalar nimchorak finalni o'ylagan holda o'ta tajovuzkor futbol namoyish etishdan tiyilsalar kerak.

Bu jamoalar hozirgacha to'qnash kelishmagan. Milliy terma jamoa miqyosida bugungi uchrashuv ilk o'yin ekanligi bilan tarixga kiradi.



GOLLANDIYA - CHILI
21:00. San-Paulo. "Korintians Arena".
Bosh hakam: Bakari Gassama (Gambiya).
Taxminiy tarkiblar
Gollandiya: Sillessen - Yanmaat, de Vrey, Vlaar, Blind - de Yong, de Guzman - Snayder - Robben, Lens, Kuyt.
CHili: Bravo - Xara, Medel, Silva - Isla, Dias, Guterres, Mena - Vidal - Sanches, Vargas.
Jarohatlanganlar: Martins Indi - Arangis.
Diskvalifikaciya: van Persi (Gollandiya).