JCH-2014. Gollandiya qiyinchilik bilan "sokkeruzlar"ni mag'lub etdi

Osiyo vakili Avstraliya esa dastlabki turda CHiliga 1:3 hisobida yutqazib qo'ygandi.

SHu bois "sokkeruzlar" bugun mag'lub bo'lishsa guruhdan chiqa olmasliklari deyarli malum bo'lardi. Amalda shunday ham bo'ldi.

O'yindagi hisob 21-daqiqada ochildi. Aren Robben chaqqon harakatlar bilan raqib jarima maydoniga kirib bordi va darvozani ishg'ol qildi - 0:1.



Keyingi hujumda Avstraliya hisobni tenglashtirdi. Jarima maydoniga havolatib oshirib berilgan to'pni Tim Kexill chap oyog'i bilan to'xtatmasdan darvozaga joylab qo'ydi, to'p to'singa tegib darvoza ichiga kirib ketdi - 1:1.

32-daqiqada o'ng qanotdan uzatilgan to'pni Mark Breshiano yaqin masofadan darvozaga aniq yo'llay olmadi.

50-daqiqada Uesli Sneyderning chamasi 30 metrlardan yo'llagan aniq va kuchli zarbasini Rayyan qaytarib yubordi.



53-daqiqada zaxiradan maydonga tushgan Bozanich raqib penalti ishladi va bosh hakam Gollandiya darvozasiga penalti belgiladi. Nuqtadan Mayl Yedinak adashmadi - 2:1.

Oradan 5 daqiqa o'tgach Robin van Persi Dapayning pasidan so'ng to'pni "sokkeruzlar" darvozasiga yo'lladi - 2:2.

69-daqiqada Leki qulay imkoniyatdan foydalana olmadi, qarshi hujumdan so'ng Moris Depay uzoq masofadan Rayyanni ojiz qoldirdi - 2:3. Ushbu gol Azamat Abduraimovning Xirosima-1994dagi Janubiy Koreyaga urgan goliga o'xshab ketdi.



Qolgan daqiqalarda Postekoglu shogirdlari hisobni tenglashtirish uchun, van Gal shogirdlari esa shu hisobni saqlab qolish va qarshi hujumda o'z baxtini izlashga urindi.

Yakunda Gollandiya 3:2 hisobida zafar quchdi va rasman bo'lmasa ham 99 foizga keyingi bosqich masalasini ijobiy hal qildi.

Sariq kartochkalari soni ikkitaga etgani bosi guruhdagi so'nggi turdagi o'yinda Avstraliya safida Keyxill, Gollandiyadan van Persi maydonga tusha olmaydi.

#	Jamoa	O'	YU	D	M	UG - O'G	T-N	Ochk
1	Gollandiya	2	2	0	0	8 - 3	5	6
2	CHili	1	1	0	0	3 - 1	2	3
3	Avstraliya	2	0	0	2	3 - 6	-3	0
4	Ispaniya	1	0	0	1	1 - 5	-4	0

JCH-2014. “V” guruhi. 2-tur
AVSTRALIYA – GOLLANDIYA 2:3
Portu-Alegre. “Bera-Rio” stadioni
Bosh hakam: Jamol Xaymudi (Jazoir)
Gollar: 0:1 – 20 Robben,  1:1 – 21 Keyxill,  2:1 – 54, penalti Edinak,  2:2 – 58 van Persi,  2:3 – 68 Depay.
Avstraliya – Rayan, Makgouen, Uilkinson, SHpiranovich, Devidson, Edinak, Makkey, Lekki, Breshiano (Bozanich, 51), Our (Taggart, 77), Keyxill (Xelloran, 69).
Gollandiya – Silessen, Martins Indi (Depay, 45), Vlar, de Vrey, Yanmat, de Guzman (Veynaldum, 78), N. de Yong, Blind, Sneyder, van Persi (Lens, 87), Robben.
Ogohlantirishlar: Keyxill (43), van Persi (47).


Narzulla Saydullaev.