Jamshid Saidov: "Yangi mavsumga tayyorgarlik rejalarimiz malum bo'lgan"

SHu va jamoaning navbatdagi rejalari haqida asosiy tarkib yordamchi murabbiyi Jamshid Saidov aytib o'tadi.

"Kelyotgan mavsumga belgilangan rejalarimizni ishlab chiqqanmiz va bular tayyor. Bosh murabbiyimiz Aleksandr Xomyakov Rossiyadan 10 dekabr kuni uchib keladi va shundan so'ng barchasi tasdiqlanadi.

Rejaga ko'ra dastlabki yig'inni 13 dekabr kunidan boshlaymiz. Asosan jismoniy holatni tiklashga qaratilgan yig'in Yangierda bo'lib o'tadi. 15 kunlik yig'in yakunining so'nggi kunida bitta nazorat uchrashuvi bilan dekabr oyidagi yig'inni yakunlaymiz. Futbolchilarimiz bayram munosabati bilan qisqa tatilga chiqishadi. 5 yanvar kuni esa jamoa Toshkentda yig'ilib, tibbiy ko'rikdan o'tadi" , - deydi Jamshid Saidov dastlabki rejalar haqida.

- Tarkibda qay darajada o'zgarishlar ko'ramiz?

Albatta bu savolga aniq javobni bosh murabbiy beradi. Meni esa shuni aytib o'tishim kerakki, biz ayni vaqtda o'tgan mavsum jamoa sharafini himoya qilgan ko'plab futbolchilar bilan keyingi mavsumga ham shartnomalarni qilib bo'lganmiz. Bu ham ijobiy holatdir. Tarkibni o'zgartiraverish bu muvaffaqiyatga olib kelmaydi. Asosiy tarkibni saqlab qolgan holda, qo'shimcha jamoani kuchaytira olishi mumkin bo'lgan yoshlarni jalb etamiz. Tarkibda esa katta o'zgarish bo'lmaydi. Jamoaga asosan birinchi liga va yoshlarimizdan futbolchilar kelib qo'shiladi. Aniq nomlarni aytish qiyin, boisi ko'plab futbolchilar ko'rikda bo'ladi. Eng munosiblarini esa jamoada olib qolamiz.