Zangiota - chempion!

Musobaqada viloyatning 14ta tumani hokimiyati va Nurafshon shahri hamda viloyat hokimligi mutasaddilaridan iborat jamoalar g'oliblik uchun kurash olib bordi. Qiziqarli kechgan turnirning yarim finaliga Ohangaron, Bekobod, Zangiota va viloyat hokimligi jamoalari etib keldi. Final ostonasidagi bahslarda Ohangaron hokimiyati vakillari bekobodlik hamkasblarini 1:0 hisobida mag'lub etgan bo'lsa, zangiotaliklar viloyat hokimligi mutasaddilarini ayab o'tirmadi – 3:0.

Turnir davomida raqiblaridan etarlicha ustunlik qilgan zangiotaliklar yakunda g'oliblikni qo'lga kiritishdi. Yarim finalda raqib darvozasini uch bor nishonga olgan Zangiota hokimiyati vakillari finalda ham ohangaronliklarni uch bor maydon markaziga taklif qilishdi.

Aytish kerak, musobaqa samimiy, do'stona kayfiyatda o'tdi. Viloyat futbol federaciyasi uchrashuvlarni xolis o'tishini taminlash maqsadida musobaqaga tajribali hakamlarni biriktirdi. Xususan, o'yinlarni Xalqaro toifadagi hakam Andrey Capenko, Xusan Xudoyberdiev, Saidxon Boyxujaev, Azizjon Karimov, Ravshan Mavlonov, Xolmurod To'laganovlar boshqarib bordi.

YARIM FINAL
OHANGARON – BEKOBOD – 1:0
ZANGIOTA – VILOYAT HOKIMIYATI – 3:0

FINAL
ZANGIOTA – OHANGARON – 3:0